14 de novembro de 2024

Liga AGAX Sub12 2024

Un ano mais voltamos coa Liga AGAX Sub12 Online, dentro das actividades co Concello da Coruña.

Coma nas edicións anteriores os encontros xogaranse en Lichess.

1. Sistema de xogo.
A competición desenvolverase durante catro xornadas, sendo un torneo independente cada semana. Serán torneos a ritmo de TRES minutos con incremento de 2 segundos por xogada na modalidade Arena e que durarán 45 minutos.  Para os resultados de cada equipo contará a actuación dos tres mellores representantes de cada un.

2. Clasificación da Liga.
Os cinco primeiros clasificados sumarán puntos cada semana (5 o primeiro, 4 o segundo, 3 o terceiro, 2 o carto e 1 o quinto). Establecerase deste xeito unha clasificación de toda a competición. Isto farase tanto para a clasificación por colexios como individual.

3. Participantes.
Poderán participar equipo representativos de centros de ensino. Poden solicitar a inscrición en correo@agax.org. Os equipos teñen que estar formados polo alumnado que nacera no ano 2012 ou seguintes. Poden participar tódolos xogadores que o desexen dun mesmo centro e ir variando ao longo da proba. Igoalmente poden incorporarse equipos novos ao longo da duración do torneo. 
Os clubs autorizados a xogar non poderán optar aos premios de equipos, pero sus integrantes si aos premios individuais.

4. Premios.
Na clasificación final da Liga recibirán un trofeo os tres primeiros equipos clasificados e tamén os tres mellores xogadores. Os trofeos entregaranse na Coruña na primeira das actividades que organice AGAX.

5. Datas e horario de xogo.
Xogarase de 15,30 a 16,15 os seguintes días:
7 de decembro
14 de decembro
21 de decembro
28 de decembro

LIGA AGAX ONLINE SUB 12 
(NADOS EN 2012 OU SEGUINTES)

SABADOS DE 15,30 A 16,15 EN LICHESS.ORG
Torneos sistema area, de partidas a 3' + 2'' sen berseker e sen puntos extras por vitorias consecutivas.

Se queres xogar na Liga por equipos Sub 12:

1. Crea unha conta en Lichess.org (se xa a tes creada continua cos puntos 2 e 3) 

2. Escolle o equipo ao que pertenzas e comproba que xa estás inscrito como xogador. Se non terás que pedir ingreso... e atento a resolver o mate en unha xogada que te pedirá para enviar a solicitude.


Se non estás nalgún dos anteriores equipos pero queres participar escríbenos a correo@agax.org.

3. Unha vez inscrito, cada sábado con partida terás que anotarte e escoller o teu equipo (para iso tes que estar xa dentro do mesmo). Publicaremos as ligazóns neste mesmo espazo. Así que cada xornada entra nesta web para participar na proba do día.

Ningún comentario:

Publicar un comentario

Subscribirse a: Publicar comentarios (Atom)